खडक पोलीस ठाण्यात गुन्हा दाखल
marathinews24.com
पुणे – बंद घराचे कुलूप तोडून चोरट्यांनी ५० हजारांच्या रोकडसह ३ लाख २५ हजारांचा ऐवज चोरून नेला आहे. ही घटना २३ डिसेंबरला रात्री नउ ते साडेदहाच्या सुमारास गुरूवार पेठेत घडली आहे. याप्रकरणी ६९ वर्षीय महिलेने खडक पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
मोबाइलद्वारे संभाषण करणे पडले महागात – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ महिला गुरूवार पेठेत राहायला असून, २३ डिसेंबरला रात्री नउच्या सुमारास कामानिमित्त महिला घर बंद करून बाहेर गेली होती. त्यावेळेस चोरट्यांनी त्यांच्या घराचे कुलूप तोडून आतमध्ये प्रवेश केला. कपाटातील ५० हजारांची रोकड आणि सोन्या-चांदीचे दागिने असा ३ लाख २५ हजारांचा ऐवज चोरून नेला. रात्री साडेदहाच्या सुमारास महिला घरात आल्यानंतर त्यांना चोरी झाल्याचे दिसून आले. त्यानंतर त्यांनी पोलीस ठाण्यात धाव घेतली. याप्रकरणी पोलीस उपनिरीक्षक महेंद्र कांबळे तपास करीत आहेत.
