येवलेवाडी पोलिसांनी केले गुन्हे दाखल
marathinews24.com
पुणे – नियोजित गृहप्रकल्पाचे काम सुरू असताना गृहप्रकल्पावरील कर्मचाऱ्याला वर्गणीसाठी मारहाण केल्या प्रकरणी सहा जणांविरुद्ध येवलेवाडी पोलिसांनी गुन्हा दाखल केला. याबाबत आकाश गजानन चौधरी (वय २७, रा. चैतन्यनगर, धनकवडी) यांनी येवलेवाडी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, विनोद चंदर चव्हाण, विजय शिवाजी दूनघव, नवीन सिद्राम मोटे, आयेश विजय कमले, राहुल नागप्पा उन्नत, समर्थ बाबुराव पांडागळे (सर्व रा. टिळेकरनगर, कोंढवा) यांच्या विरुद्ध गुन्हा दाखल करण्यात आला आहे.
वर्क फ्रॉम होम करणाऱ्यांना फटका; केबल कारवाईनंतर इंटरनेट सेवा विस्कळीत – सविस्तर बातमी
पोलिसांनी दिलेल्या माहितीनुसार, कोंढव्यातील टिळेकरनगर भागात एका गृहप्रकल्पाचे काम सुरू आहे. नियोजित गृहप्रकल्पात चौधरी पर्यवेक्षक म्हणून काम पाहतात. शुक्रवारी (३ मार्च) दुपारी साडेचारच्या सुमारास चौधरी गृहप्रकल्पावर होते. त्या वेळी आरोपी तेथे आले. आरोपींनी उत्सवासाठी ५० हजार रुपयांची वर्गणी मागितली. तेव्हा माझ्याकडे एवढे पैसे नाही, असे चौधरीने आरोपींना सांगितले. आरोपींनी त्यांना धमकावून बांधकाम व्यावसायिकाच्या कार्यालयात घेऊन चल, असे सांगितले. चौधरी यांनी नकार दिल्यानंतर आरोपींनी त्यांना मारहाण केली. सहायक पोलीस निरीक्षक नेवसे तपास करत आहेत.
