सिंहगड रस्ता पोलीस ठाण्यात गुन्हा दाखल
marathinews24.com
पुणे – खासगी कंपनीतील कामगारने मालकाचे लक्ष नसल्याची संधी साधून एक लाख ४४ हजारांची रोकड चोरून नेल्याची घटना घडली. याप्रकरणी कामगाराविरुद्ध सिंहगड रस्ता पोलिसांनी गुन्हा दाखल केला. याबाबत एकाने सिंहगड रस्ता पोलीस ठाण्यात फिर्याद दिली आहे.
पुण्यात क्वीन्स गार्डन परिसरात घरफोडी- पावणेपाच लाखांचा ऐवज लांबवला – सविस्तर बातमी
पोलिसांनी दिलेल्या माहितीनुसार, तक्रारदाराची सिंहगड रस्त्यावरील धायरी भागात खासगी कंपनी आहे. कंपनीतील कामगाराने मालकाचे लक्ष नसल्याची संधी साधली. गल्ल्यात ठेवलेली एक लाख ४४ हजारांची रोकड चोरून नेली. रोकड चोरल्यानंतर कामगार कंपनीत आला नाही. मालकाने कामगाराशी संपर्क साधण्याचा प्रयत्न केला. कामगाराने रोकड चोरल्याचा संशय कंपनी मालकाने फिर्यादीत व्यक्त केला आहे. पोलीस कर्मचारी पाटील तपास करत आहेत.
