रिक्षा चालकांसह चौघांविरुद्ध गुन्हा दाखल
marathinews24.com
पुणे – प्रवाशांवरुन झालेल्या वादातून रिक्षा चालकाला मारहाण करुन त्याच्या डोक्यात सिमेंटचा गट्टू घालण्यात आला. कात्रज परिसरात ही घटना घडली. या प्रकरणी दोन रिक्षा चालकांसह चौघांविरुद्ध गुन्हा दाखल करण्यात आला.
अपहरण प्रकरणाच्या तपासात अमली पदार्थ विक्री उघडकीस – सविस्तर बातमी
शेखर गोविंद पुजारी (वय ४९, रा. घुंगरवाली चाळ, संतोषनगर, कात्रज) असे जखमी झालेल्याचे नाव आहे. या प्रकरणी कुणाल कांबळे (रा. बिबवेवाडी), एस. मिसाळ उर्फ टायगर यांच्यासह चौघांविरुद्ध गुन्हा दाखल करण्यात आला आहे. याबाबत पुजारी यांनी भारती विद्यापीठ पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, रिक्षाचालक पुजारी हे कात्रज परिसरात थांबले होते. त्यावेळी रिक्षात प्रवासी भरण्यावरुन त्यांचा आरोपींशी वाद झाला. वादातून आरोपींनी पुजारी यांना शिवीगाळ करुन मारहाण केली. रस्त्यात पडलेला सिमेंटचा गट्टू पुजारी यांच्या डोक्यात घातला. पुजारी गंभीर जखमी झाले. सहायप फौजदार रवींद्र भाेसले तपास करत आहेत.
ओैंध परिसरात हाणामारी; टोळक्याविरुद्ध गुन्हा दाखल
नृत्य करताना झालेल्या वादातून टोळक्याने चौघांना मारहाण केल्याची घटना ओैंधमधील इंदिरा गांधी वसाहतीत घडली. याप्रकरणी चतु:शृंगी पोलिसंनी टाेळक्याविरुद्ध गुन्हा दाखल केला. याबाबत कुणाल नंदकिशोर तुजारे (वय २२, रा. श्री हनुमान मंदिराजवळ, इंदिरा गांधी वसाहत, ओैंध) याने फिर्याद दिली आहे. त्याने दिलेल्या फिर्यादीनुसार, प्रमोद घडसिंग, समीर घडसिंग, भैय्या सरोदे, तेजस देवकर, ओेंकार पाटोळे (सर्व रा. इंदिरा गांधी वसाहत, ओैंध) यांच्या विरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, कुणाल तुजारे याचे वडील बुधवारी (१ एप्रिल) सायंकाळी साडेसहाच्या सुमारास इंदिरा गांधी वसाहतीतील एका सार्वजनिक कार्यक्रमात नृत्य करत होते. ध्वनीवर्धकावर गीते लावण्यात आली होती. त्यावेळी नाचताना आरोपी घडसिंग याला कुणालच्या वडिलांचा धक्का लागला . या कारणावरुन वाद झाला. त्यानंतर आरोपींनी कुणालचे वडील नंदकिशोर यांना मारहाण केली. कुणाल आणि त्याचा पुतण्या आरोपींना जाब विचारण्यास गेले. तेव्हा टोळक्याने त्यांना मारहाण केली. पोलीस हवालदार गायकवाड तपास करत आहेत.
