भाडेकरुसह साथीदार अटकेत
marathinews24.com
पुणे – दुचाकी लावण्याच्या वादातून भाडेकरुने दाम्पत्याला गजाने मारहाण करण्यात आल्याची घटना धनकवडीतील हिलटाॅप सोसायटी रस्त्यावर घडली. याप्रकरणी सहकारनगर पोलिसांनी भाडेकरुसह दोघांना अटक केली.
एरंडवणे, वाघोलीत घरफोडी; ११ लाखांचा ऐवज चोरीला – सविस्तर बातमी
दयानंद जालिंदर नाईकनवरे (वय ४४, रा. खंडाळे चौक, तळजाई वसाहत), सज्जन मच्छिंद्र शिंदे (वय २२, रा. हिलटाॅप सोसायटी, धनकवडी) अशी अटक करण्यात आलेल्यांची नावे आहेत. याबाबत एकाने सहकारनगर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी शिंदे हा फिर्यादी यांचा भाडेकरु आहे. ६ जुलैला रात्री साडेदहाच्या सुमारास घरासमोर दुचाकी लावण्याच्या वादातून शिंदे आणि साथीदार नाईकनवरे यांनी फिर्यादी घरमालक आणि त्यांच्या पत्नीला शिवीगाळ केली. घरमालकासह त्यांच्या पत्नीला गजाने मारहाण केली. मारहाणीत फिर्यादी यांच्या पत्नीच्या कपाळाचे हाड फ्रॅक्चर झाले. पोलीस उपनिरीक्षक कर्चे तपास करत आहेत.
