कारागिराविरुद्ध खडक पोलिसांनी केला गुन्हा दाखल
marathinews24.com
पुणे – कारागिराने १ लाख ४० हजारांचे चांदीचे मुखवटे लांबविल्याची घटना रविवार पेठेत घडली. याप्रकरणी कारागिराविरुद्ध खडक पोलिसांनी गुन्हा दाखल केला. शिवलाल लोहार (वय ३४, रा. उदयपूर, राजस्थान) असे गु्न्हा दाखल केलेल्या कारागिराचे नाव आहे. याबाबत चांदीचे मुखवटे घडविणाऱ्या सराफ व्यावसायिकाने खडक पोलीस ठाण्यात तक्रार दिली आहे.
लष्कर भागातील वस्त्रदालनात चोरी – सविस्तर बातमी
पोलिसांनी दिलेल्या माहितीनुसार, तक्रारदार सराफ व्यावासायिक चांदीचे मुखवटे घडवितात. आरोपी त्यांच्याकडे कारागिर म्हएून काम करत होता. आरोपीने सराफ व्यावसायिकाचे लक्ष नसल्याची संधी साधून चांदीचे दोन मुखवटे लांबविल्याची घटना उघडकीस आली. पसार झालेल्या कारागिराचा शोध घेण्यात येत असून, पोलीस हवालदार हर्षल दुडम तपास करत आहेत.
