डेक्कन पोलिसांनी ठोकल्या बेड्या
marathinews24.com
पुणे – वयोवृद्ध घर मालकीण असल्याची संधी साधून घरातील २० तोळे दागिने चोरून नेणाऱ्या घरगड्याला डेक्कन पोलिसांनी अटक केली आहे. आरोपीकडून २० तोळे सोन्या- चांदीचे दागिने, असा ३० लाख रुपये किमतीचा मुद्देमाल जप्त केला आहे.शहाजी लक्ष्मण ढोबळे (वय ५१, रा. जनवाडी, पुणे) असे अटक केलेल्या चोरट्याचे नाव आहे. डेक्कन पोलिसांनी घरफोडीच्या गुन्ह्याचा अवघ्या काही दिवसांत छडा लावत घरातील कामगारालाच अटक केली आहे.
अंगावर खाजेची पावडर टाकली, पुण्यात वारकर्यांना लुटले – सविस्तर बातमी
वयोवृद्ध महिलेच्या खोलीतील कपाटातून २० तोळे सोन्याचे आणि चांदीचे दागिने चोरल्याची तक्रार डेक्कन पोलिसांकडे दाखल झाली होती. तपासादरम्यान पोलिसांनी सीसीटीव्ही फुटेजसह तांत्रिक माहितीच्या आधारे संशयित शहाजी ढोबळे याला ताब्यात घेतले. चौकशीत त्याने चोरीची कबुली दिल्यानंतर १० जुलैला त्याला अटक केली. ही कारवाई पोलीस उपायुक्त कृषीकेश रावले, सहायक पोलीस आयुक्त अनुजा देशमाने, वरिष्ठ पोलीस निरीक्षक रुणाल मुल्ला, पोलीस निरीक्षक सपना देवतळे, उपनिरीक्षक अजय भोसले दत्तात्रय शिंदे, प्रशांत पवार, राजेंद्र मारणे, सचिन गायकवाड, सागर घाडगे, वसीम सिद्दीकी, महेश काळे, संजय दंडगुळे, स्वप्नील गायकवाड, धनश्री सुपेकर यांच्या पथकाने केली.
