लष्कर भागात दहशत माजविणारा गजाआड
marathinews24.com
पुणे – किरकोळ वादातून दहशत माजवून ज्येष्ठाने शस्त्राने वार करणाऱ्या एकाला पोलिसांनी अटक केली. लष्कर भागातील सोलापूर बाजार परिसरात ही घटना घडली.
आरोकस्वामी व्हिन्सेंट व्यागुलदास (वय ५९, रा. सोलापूर बाजार, लष्कर ) असे जखमी झालेल्याचे नाव आहे. याप्रकरणी मोहित जाधव याला अटक करण्यात आली. त्याच्याबरोबर असलेला साथीदार सोनू शिरसवाल याच्याविरुद्ध गुन्हा दाखल करण्यात आला आहे. व्यागुलदास यांनी याबाबत लष्कर पोलीस ठाण्यात फिर्याद दिली आहे.
भरधाव मोटारीची ६ वाहनांना धडक; ३ जम जखमी – सविस्तर बातमी
पोलिसांनी दिलेल्या माहितीनुसार, व्यागुलदास हे ९ नोव्हेंबर रोजी रात्री पावणेबाराच्या सुमारास मित्राच्या मुलासोबत बोलत होते. त्यावेळी आरोपी जाधव आणि साथीदार तेथे आले. चेतन बिडलान याच्याशी का बोलला ? अशी विचारणा केली. आरोपी शिरसवालने व्यागुलदास यांच्या डोक्यावर शस्त्राने वार केला. त्यांना शिवीगाळ केली. पोलिसांकडे तक्रार दिली, तर जीवे मारु, अशी धमकी दिली. आरोपींनी शस्त्र उगारून दहशत माजविली. पसार झालेला आरोपी जाधव याला पोलिसांनी अटक केली. त्याच्याबरोबर असलेल्या साथीदाराचा शोध घेण्यात येत आहे. पोलीस उपनिरीक्षक देशमुख तपास करत आहेत.
