हांडेवाडीतील श्रीराम चौकातील घटना
marathinews24.com
पुणे – भरधाव मोटार चालकाने ६ वाहनांना धडक दिल्याची घटना सोमवारी रात्री हडपसरमधील हांडेवाडी परिसरात घडली. अपघातात तिघे जण जखमी झाले अशून, त्यांच्यावर रुग्णालयात उपचार सुरू आहेत. मोटार चालक प्रशांत रमेश पाटील (वय ४५, रा. ससाणेनगर, हडपसर) याला ताब्यात घेण्यात आले आहे. त्याच्याविरुद्ध रात्री उशीरा काळेपडळ गुन्हा दाखल करण्यात आला. मोटार चालक पाटील याने मद्यप्राशन केल्याची शक्यता पोलिसांनी व्यक्त केली आहे.
बोपोडीतील जमीन घोटाळ्यात तेजवाणी, अमेडिया कंपनीचा संबंध नाही- पुणे पोलीस – सविस्तर बातमी
पोलिसांनी दिलेल्या माहितीनुसार, मोटार चालक पाटील सोमवारी रात्री सव्वानऊच्या सुमारास भरधाव वेगात हडपसरमधील हांडेवाडी परिसरातून निघाला होता. श्रीराम चौकात मोटार चालक पाटीलचे नियंत्रण सुटल्याने त्याने एकापाठोपाठ ६ वाहनांना धडक दिली. अपघातात दुचाकी आणि मोटारीचे नुकसान झाले असून, माहिती मिळताच काळेपडळ पोलिसांनी घटनास्थळी धाव घेतली. मोटार चालक पाटीलला ताब्यात घेतले. तसेच जखमी झालेल्या तिघांना तातडीने रुग्णालयात दाखल केले.
मोटार चालक पाटील याच्याविरुद्ध रात्री उशीरा गुन्हा दाखल करण्यात आला. अपघातानंतर काही काळ श्रीराम चौकातील वाहतूक विस्कळीत झाली होती. वाहतूक पोलिसांनी वाहतूक सुरळीत केली.
