स्वारगेट पोलीस ठाण्यात गुन्हा दाखल
marathinews24.com
पुणे – शहरातील मध्यवर्ती स्वारगेट एसटी स्टँड परिसरातून गावी जाण्यासाठी एसटीमध्ये शिरत असताना चोरट्यांनी ज्येष्ठ महिलेच्या पर्समधील ७२ हजार रुपये किमतीची सोन्याची पाटली चोरून नेली. याप्रकरणी महिलेच्या जावयाने स्वारगेट पोलिस ठाण्यात फिर्याद दिली आहे.
ज्येष्ठ नागरिकाची जागा बळकवण्याचा प्रयत्न – सविस्तर बातमी
पोलिसांनी दिलेल्या माहितीनुसार, फिर्यादी विजय सोनवणे (४३) हे सोमवारी (दि. २७) सकाळी पावणे अकराच्या सुमारास पत्नी, सासू यांच्यासोबत कोल्हापूरला जाण्यासाठी स्वारगेट एसटी स्टँडवरून इचलकरंजी बसमध्ये चढत होते. त्यावेळी गर्दीचा फायदा घेत चोरट्यांनी
त्यांच्या सासूच्या पर्समध्ये ठेवलेली २५ ग्रॅम वजनाची सोन्याची पाटली,आधारकार्ड आणि पॅनकार्ड असा ऐवज लांबवला. काही वेळेनंतर महिलेला चोरी झाल्याचे लक्षात आले. त्यानंतर त्यांनी तातडीने स्वारगेट पोलीस ठाण्यात धाव घेत तक्रार दाखल केली आहे. पोलिस उपनिरीक्षक एल. बी. जाधव तपास करत आहेत.
