पुण्यातील अजिंक्य डी वाय पाटील विद्यापीठाच्या वतीने मानाची ‘डी. लिट.’ पदवी देऊन सन्मानित
marathinews24.com
पुणे – राज्याच्या पर्यावरण व पशुसंवर्धन मंत्री पंकजा मुंडे यांना पुण्यातील अजिंक्य डी वाय पाटील विद्यापीठाच्या वतीने मानाची ‘डी. लिट.’ (मानद डॉक्टरेट) पदवी देऊन सन्मानित केले आहे. लोहगाव येथील विद्यापीठाच्या दहाव्या दीक्षांत समारंभात शनिवारी हा सोहळा पार पडला. पंकजा मुंडे यांच्या सामाजिक क्षेत्रातील योगदानाची आणि गेल्या वर्षभरातील प्रशासकीय कार्याची दखल घेत विद्यापीठाने त्यांना या सर्वोच्च पदवीने गौरविले आहे.
बारामती आगारात चालक दिन व राष्ट्रीय प्रवासी दिन संपन्न – सविस्तर बातमी
कार्यक्रमाला विद्यापीठाचे कुलपती डॉ. अजिंक्य पाटील, रिपब्लिक ऑफ गायनाचे हाय कमिशनर धरमकुमार सिरजी, भारत सरकारचे सल्लागार डॉ. निशिकांत ओझा, पूजा पाटील आणि आमदार बापूसाहेब पठारे यांची प्रमुख उपस्थिती होती. मंत्रिमंडळातील प्रभावी कामगिरी आणि जनहिताच्या निर्णयामुळे पंकजा मुंडे यांचे नाव सातत्याने चर्चेत असते. या दीक्षांत समारंभाला विविध क्षेत्रातील मान्यवर, प्राध्यापक, पदवीप्राप्त विद्यार्थी मोठ्या संख्येने उपस्थित होते. हा बहुमान मिळाल्यानंतर सर्व स्तरांतून त्यांच्यावर अभिनंदनाचा वर्षाव होत आहे.
