आरोपीला भवानी पेठेतून अटक
marathinews24.com
पुणे – आजारी आत्याला भेटण्यासाठी बंदीवानाने खुल्या जेलमधून पलायन केल्याची कबुली दिली आहे. ही घटना १२ मे रोजी घडली होती. याप्रकरणी गुन्हे शाखेच्या युनीट एकने आरोपीला भवानी पेठेतून अटक केली आहे. जर्नादन शंकर अडसुळे (वय ३५ रा. काशेवाडी, भवानी पेठ) असे अटक केलेल्या आरोपीचे नाव आहे. याप्रकरणी येरवडा पोलीस ठाण्यात गुन्हा दाखल आहे. आरोपीने २०१७ मध्ये खून केल्यानंतर त्याला न्यायालयाने शिक्षा ठोठावली आहे.
जनगणना कार्यक्रमास अनुपस्थिती अंगलट – सविस्तर बातमी
खुल्या कारागृहातून वैâद्याने पलायन केल्यानंतर त्याच्या शोधार्थ पोलीस काम करीत होते. त्याचेवळी गुन्हे शाखा एकमधील अमलदार अनिकेत बाबर, शशिकांत दरेकर, उमेश मठपती, नीलेश साबळे, अविनाश दळवी हे हद्दीत पेट्रोलिंग करीत होते. त्यावेळी अमलदार अनिकेत बाबर व उमेश मठपती यांना आरोपी भवानी पेठेत आल्याची माहिती मिळाली. त्यानुसार पथकाने आरोपी जर्नादन अडसुळे याला ताब्यात घेतले. चौकशीत त्याने आजारी आत्याला भेटण्यासाठी आल्याची कबुली दिली. ही कामगिरी अपर आयुक्त पंकज देशमुख, उपायुक्त विवेक मासाळ, एसीपी शैलेश संखे, वरिष्ठ पोलीस निरीक्षक अजित जाधव यांच्या मार्गदर्शनाखाली पथकाने केली.
