विमानतळ पोलिस ठाण्यात गुन्हा दाखल
marathinews24.com
पुणे – पार्टटाईम नोकरीच्या आमिषाने सायबर चोरट्यांनी महिलेची साडेपाच लाखांची फसवणूक केली आहे. ही घटना १ नोव्हेंबर ते ३ डिसेंबर २०२४ कालावधीत लोहगावमध्ये घडली आहे. याप्रकरणी ३५ वर्षीय महिलेने विमानतळ पोलीस ठाण्यात फिर्याद दाखल केली आहे. त्यानुसार मोबाइलधारक आरोपीविरूद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार महिला लोहगामवध्ये राहायला असून, १ नोव्हेंबर २०२४ मध्ये सायबर चोरट्यांनी त्यांच्याशी संपर्क साधला. कंपनीचा अधिकृत व्यक्ती असल्याची बतावणी करीत पार्टटाईम नोकरीचे आमिष त्याने महिलेला दाखविले. वर्क फ्रॉम होम जॉब करून चांगले पैसे कमवता येतील, असे सांगून त्याने महिलेचा विश्वास संपादित केला. त्यानंतर महिलेकडून ५ लाख ५१ हजारांची रक्कम ऑनलाईनरित्या वर्ग करून घेत सायबर चोरट्यांनी महिलेची फसवणूक केली आहे. याप्रकरणी पोलीस निरीक्षक शरद शेळके तपास करीत आहेत.
