पर्वती पोलीस ठाण्यात गुन्हा दाखल
marathinews24.com
पुणे – शेअर ट्रेडींगमध्ये गुंतवणूक केल्यास चांगला परतावा मिळवून देतो, अशी बतावणी करीत सायबर चोरट्यांनी एकाला तब्बल ३५ लाख ७० हजारांचा ऑनलाईन गंडा घातला आहे. ही घटना ३१ मार्च ते ४ ऑक्टोबर २०२५ कालावधीत पर्वती परिसरात घडली आहे. याप्रकरणी ४५ वर्षीय नागरिकाने पर्वती पोलीस ठाण्यात फिर्याद दाखल केली आहे. त्यानुसार मोबाइलधारक व लिंक धारकाविरूद्ध गुन्हा दाखल करण्यात आला आहे.
भेकराईनगरात टेम्पोच्या धडकेत दुचाकीस्वार ठार – सविस्तर बातमी
पोलिसांनी दिलेल्या माहितीनुसार, तक्रारदार हे पर्वती परिसरात राहायला असून, ३१ मार्चला सायबर चोरट्यांनी त्यांना व्हॉटसअॅपद्वारे लिंक पाठवली. त्याद्वारे शेअर मार्वेâटमध्ये गुंतवणूक केल्यास चांगला परतावा मिळवून देतो, अशी बतावणी केली. त्यानंतर सायबर चोरट्यांनी तक्रारदाराचा विश्वास संपादित करून त्यांना गुंतवणूकीला भाग पाडले. तब्बल ३५ लाख ७० हजार रूपये गुंतवणूक केल्यानंतरही त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी पोलीस निरीक्षक अनिता हिवरकर तपास करीत आहेत.
