डेक्कन पोलिस ठाण्यात गुन्हा दाखल
marathinews24.com
पुणे – शेअर मार्केट ट्रेडिंगमध्ये गुंतवणूक केल्यास जास्त परतावा मिळवून देण्याचे आमिष दाखवून सायबर चोरट्यांनी एकाला १० लाखांचा ऑनलाइन गंडा घातला होता. ही घटना २२ जानेवारी ते २८ फेब्रुवारी कालावधीत डेक्कन परिसरात घडली आहे. याप्रकरणी डेक्कन पोलिस ठाण्यात गुन्हा दाखल केला आहे.
कोंढव्यात गावठी पिस्तुलासह तिघांना अटक – सविस्तर बातमी
पोलिसांनी दिलेल्या माहितीनुसार, तक्रारदार हे डेक्कन परिसरात राहायला असून, २२ जानेवारीला सायबर चोरट्याने त्यांना संपर्क केला. आरोपीने मोबाईल आणि ऑनलाइन लिंकच्या माध्यमातून संबंधित व्यक्तीला शेअर मार्केट ट्रेडिंगमध्ये गुंतवणूक केल्यास मोठा नफा मिळेल असे सांगितले. आरोपीने फिर्यादीचा विश्वास संपादन केला. ऑनलाइन व्यवहारांद्वारे आरोपीने फिर्यादीकडून १० लाख रुपये घेतले. मात्र गुंतवणुकीवर कोणताही परतावा न देता आरोपीने फिर्यादीची आर्थिक फसवणूक केली. याप्रकरणी भारतीय न्याय संहिता कलम ३१९(२), ३१८(४) तसेच आयटी अॅक्ट कलम ६६(ड) अंतर्गत गुन्हा दाखल केला आहे. वरिष्ठ पोलिस निरीक्षक गिरीजा निबाळकर तपास करीत आहेत.
