आरोपींविरुद्ध चंदननगर पोलिसांकडून गुन्हा दाखल
marathinews24.com
पुणे – शहरातील नामांकित शैक्षणिक संस्थेत प्रवेश मिळवून देण्याच्या आमिषाने नवी मुंबईतील व्यावसायिकाची ४७ लाख रुपयांची फसवणूक केल्याचा प्रकार उघडकीस आला. याप्रकरणी आरोपींविरुद्ध चंदननगर पोलिसांकडून गुन्हा दाखल करण्यात आला आहे. राजगोपाल वैष्णव पाणीग्रही (रा. नेरुळ,नवी मुंबई) यांनी चंदननगर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, आरोपी शिवम शर्मा उर्फ गोपी, करण लोणकर, विपीन सिंग, प्रियांका कुमारी यांच्याविरुद्ध गुन्हा दाखल झाला आहे.
विवाहाच्या आमिषाने तरुणीवर बलात्कार – सविस्तर बातमी
पोलिसांनी दिलेल्या माहितीनुसार, आरोपींनी वडगाव शेरीत युवर नेक्स स्टेप हे कार्यालय सुरू केले होते. नामांकित शैक्षणिक संस्थेत व्यवस्थापन कोट्यातून प्रवेश मिळवून देण्याचे आमिष त्यांनी तक्रारदारांना दाखविले होते. तक्रारदाराच्या मुलाला प्रवेश मिळवून देण्याच्या आमिषाने आरोपींनी वेळोवेळी ४७ लाख रुपये घेतले. प्रवेश न मिळाल्याने त्यांनी आरोपींकडे विचारणा केली. तेव्हा आरोपींनी उडवा उडवीची उत्तरे दिली. फसवणूक झाल्याचे लक्षात आल्यानंतर त्यांनी पोलिसांकडे तक्रार दिली.
