पोलिसांकडून एकाविरुद्ध गुन्हा
marathinews24.com
पुणे – विवाहाच्या आमिषाने तरुणीवर बलात्कार केल्याप्रकरणी पोलिसांनी एकाविरुद्ध गुन्हा दाखल केला. २३ वर्षीय तरुणीने आंबेगाव पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, एका तरुणाविरुद्ध गुन्हा दाखल करण्यात आला आहे.
अखेर त्या भोंदू महिलेसह इतरांवर गुन्हा; ३ जणांना अटक – सविस्तर बातमी
पोलिसांनी दिलेल्या माहितीनुसार, तक्रारदार तरुणीची आरोपीशी ओळख झाली होती. तरुणाने तिला विवाहाचे आमिष दाखवून जाळ्यात ओढले. तिच्यावर त्याने बलात्कार केला. तरुणीने त्याच्याकडे विवाहाबाबत विचारणा केली. तेव्हा त्याने उडवाउडवीची उत्तरे दिली, तसेच तरुणीची छायाचित्रे समाजमाध्यमात प्रसारित करण्याची धमकी दिली.आरोपींच्या धमकीमुळे घाबरलेल्या तरुणीने नुकतीच पोलिसांकडे तक्रार दिली. पोलीस उपनिरीक्षक कोळी तपास करत आहेत.
