बिबवेवाडी पोलिसांची कामगिरी
marathinews24.com
पुणे – रिक्षा चालकाला अडवून बेदम मारहाण करीत मोबाइलसह रोकड चोरी करणार्या टोळीला बिबवेवाडी पोलिसांनी अटक केली आहे. त्यांच्याकडून गुन्ह्यातील ऐवज जप्त करण्यात आला आहे. किरण एडबा झोंबाडे वय २० रा. लक्ष्मीनगर, पर्वती) पंकज सुभाष पवार वय २१ रा. शाहू वसाहत पर्वती) कुमार बाळकृष्ण खुडे वय ३० रा. अपर बिबवेवाडी अशी अटक केलेल्यांची नावे आहेत.याप्रकरणी रिक्षा चालकाने बिबवेवाडी पोलीस ठाण्यात फिर्याद दाखल केली आहे. ही घटना १२ जूनला मध्यरात्री साडेतीनच्या सुमारास घडली होती.
आंतरजिल्हा दरोडेखोर टोळीचा पर्दाफाश, २० गुन्हे उघडकीस – सविस्तर बातमी
रिक्षा चालक हे १२ जूनला पहाटे साडेतीनच्या सुमारास बिबवेवाडीतील गुरूगौतम मुनी हॉस्पिटल समोरून जात होते. त्यावेळी दोन दुचाकीवर आलेल्या चोरट्यांनी रिक्षा चालकाला अडवून मारहाण करीत मोबाइल, रोकड चोरून नेली. याप्रकरणी पथकाने सीसीटीव्ही फुटेजसह तांत्रिक विश्लेषणाला गती दिली. पोलीस अमलदार सुमीत ताकपेरे आणि रक्षित काळे यांना आरोपींची माहिती मिळाली. पथकाने गंगाधाम रोड परिसरातून टोळीला ताब्यात घेतले. आरोपींनी गुन्ह्याची कबुली दिली. ही कामगिरी पोलीस उपायुक्त मिलींद मोहिते, एसीपी राहूल आवारे, वरिष्ठ निरीक्षक अश्विनी सातपुते, पोलीस निरीक्षक सूरज बेंद्रे, उपनिरीक्षक मालोजी कांबळे, संजय गायकवाड, विनोद जाधव, आशिष गायकवाड, शिवाजी येवले, राहूल खाडे, ज्योतिष काळे, संतोष बनसुडे, महेश गिरी, दत्ता शेंद्रे यांनी केली.
