थर्टी फस्टच्या पार्ट्या जोमात
marathinews24.com
पुणे – शहरात सरत्या वर्षांच्या पार्श्वभूमीवर पार्ट्यांचा हंगाम जोरात सुरू असून, ३१ डिसेंबरसाठी अनेकांकडून बेतासह नियोजनाला प्राधान्य देण्यात आले आहे. विशेषतः मटणाची पार्टी अन बेताची तयारी सुरू केली आहे. अशाचच हडपसर परिसरातील गोंधळेनगरात चोरट्यांनी चक्क शेळ्या-बोकडांची चोरी केल्यामुळे खळबळ उडाली आहे. ही घटना १७ ते १८ डिसेंबर कालावधीत गोंधळेनगरातील कॅनोलजवळ घडली आहे. याप्रकरणी हडपसर पोलीस ठाण्यात गुन्हा दाखल करण्यात आला आहे.
आयपीओ खरेदीच्या बहाण्याने ५३ लाखांचा गंडा – सविस्तर बातमी
पोलिसांनी दिलेल्या माहितीनुसार, तक्रारदार हे जेष्ठ नागरिक असून, त्यांनी घराजवळील कॅनोललगत असलेल्या जागेत कंपाउड केले होते. त्याठिकाणी शेळी पालनाचा व्यवसाय केला जात होता. तारेच्या कंपाउंडमध्ये जवळपास २ लाख रूपयांच्या शेळ्या-बोकडं त्यांनी पाळली होती. ३१ डिसेबंरच्या पार्ट्यांसाठी बोकडं तक्रारदार विकणार होते. मात्र, त्यापुर्वीच चोरट्यांनी त्यांच्या कंपाउंडमधील शेळ्या-बोकडं चोरून नेली आहेत. गुन्हा दाखल झाल्यामुळे आता पोलिसांना शेळ्या-बोकडं शोधण्याचे काम करावे लागणार आहे. सहायक पोलीस निरीक्षक हसीना शिकलगार तपास करीत आहेत.
