चोरट्यांविरुद्ध लोणी काळभोर पोलीस ठाण्यात गुन्हा दाखल
marathinews24.com
पुणे – विवाह समारंभात ज्येष्ठाच्या गळ्यातील दीड लाख रुपयांची सोनसाखळी चोरट्यांनी लांबविल्याची घटना पुणे-सोलापूर रस्त्यावरील एका मंगल कार्यालयात घडली. या प्रकरणी चोरट्यांविरुद्ध लोणी काळभोर पोलिसांनी गु्न्हा दाखल केला.याबाबत एका ज्येष्ठ नागरिकाने लोणी काळभोर पोलीस ठाण्यात फिर्याद दिली आहे.
बसमध्ये दागिने चोरणारी टोळी जेरबंद – सविस्तर बातमी
पोलिसांनी दिलेल्या माहितीनुसार, तक्रारदार ७१ वर्षीय ज्येष्ठ नागरिक हे हडपसरमधील भेकराईनगर भागात राहायला आहेत. ते २० फेब्रुवारी रोजी पुणे-सोलापूर रस्त्यावरील कुंजीरवाडीत असलेल्या एका मंगल कार्यालयात नातेवाईकांच्या विवाह समारंभासाठी गेले होते. विवाह समारंभ पार पडल्यानंतर ते जेवण करत होते. गर्दीत चोरट्यांनी त्यांच्या गळ्यातील दीड लाख रुपयांची सोनसाखळी लांबविल्याची घटना घडली. या घटनेची महिती मिळाल्यानंतर पोलिासंनी मंगल कार्यालयातील सीसीटीव्ही कॅमेऱ्यांची तपासणी केली. पसार झालेल्या चोरट्यांचा माग काढण्यात येत असून, पोलीस कर्मचारी शिंदे तपास करत आहेत.
