येरवडा पोलिसांची कारवाई; दोघांना अटक, दोन पीडित महिलांची सुटका
marathinews24.com
पुणे – हॉटेलमध्ये ग्राहकांना फोनवरून मुली पुरवून अनैतिक व्यापार सुरू असल्याची माहिती मिळाल्यानंतर येरवडा पोलिसांनी बनावट ग्राहक पाठवून देह व्यवसायाचा पर्दाफाश केला. या कारवाईत पोलिसांनी दोघांना अटक केली असून, (Yerawada Sex Racket) दोन पीडित महिलांची सुटका केली आहे. खराडी परिसरातील हॉटेलमध्ये ही कारवाई करण्यात आली. राज राजेशाम सविता (२८, रा. खराडी) आणि सुनील शिवाजी शिंदे (३७, रा. काळेपडळ, हडपसर) अशी आरोपींची नावे आहेत.
फ्लॅटचे कुलूप तोडून साडेचार लाखांचा ऐवज लंपास – सविस्तर बातमी
पोलिसांनी दिलेल्या माहितीनुसार, येरवडा पोलिस ठाण्याच्या हद्दीत पोलिस हवालदार रमेश नवलेना त्यांच्या गोपनीय बातमीदारामार्फत याबाबत माहिती मिळाली होती. एका हॉटेलमध्ये एक इसम व त्याचा साथीदार ग्राहकांना फोनवरून मुली पुरवून अनैतिक व्यापार करत असल्याचे समोर आले. ग्राहकांच्या मागणीनुसार खराडी, येरवडा परिसरातील लॉजवर मुलींना पाठविले जात असल्याची माहितीही पोलिसांना मिळाली.
ही माहिती वरिष्ठ पोलिस निरीक्षक उमेश गिते यांना कळवण्यात आली. त्यांनी तातडीने कारवाईचे आदेश दिल्यानंतर पोलिसांनी बनावट ग्राहकाच्या माध्यमातून माहितीची खातरजमा केली. त्यानंतर पोलिसांनी हॉटेलमध्ये छापा टाकून अनैतिक व्यापारासाठी आणलेल्या दोन पीडित महिलांची सुटका केली. (Yerawada Sex Racket)
कारवाईदरम्यान पसार होण्याच्या तयारीत असलेल्या दोघांना पोलिसांनी ताब्यात घेतले. या प्रकरणी येरवडा पोलिस ठाण्यात अनैतिक व्यापार प्रतिबंधक अधिनियम कलम ८ अंतर्गत गुन्हा दाखल करण्यात आला आहे. ही कामगिरी वरिष्ठ पोलिस निरीक्षक उमेश गिते यांच्या मार्गदर्शनाखाली उपनिरीक्षक किशोर बेरड, पोलिस अंमलदार रमेश नवले, पोलिस हवालदार कोकणे, शैलेश वाबळे, गणेश पालवे, सोमनाथ गायकवाड, सागर ढवळी, लक्ष्मण ढोकळ, नितीन चांदणे, नागेश कुंजटवाड, प्रशांत कांबळे, साईनाथ हुरहाके, नटराज सुतार, संदीप धाडवड, ज्योती नाईक यांच्या पथकाने केली.
