सायबर चोरट्यांनी घातला गंडा
marathinews24.com
पुणे – इस्टाग्रामद्वारे इंटेरिअर कामाची आर्कषक ऑफर देउन साबयर चोरट्यांनी तरूणाची तब्बल ८ लाख १० हजारांची ऑनलाईन फसवणूक केली आहे. ही घटना एप्रिल २०२५ ते फेबु्रवारी २०२६ कालावधीत केशवनगर, मुंढवा परिसरात घडली आहे. याप्रकरणी ३६ वर्षीय तरूणाने मुंढवा पोलीस ठाण्यात फिर्याद दाखल केली आहे. त्यानुसार इन्स्टाग्रामधारकाविरूद्ध मुंढवा पोलीस ठाण्यात गुन्हा दाखल करण्यात आला आहे.
तरुणीचा विवाह मोडणाऱ्या प्रियकराला अटक – सविस्तर बातमी
पोलिसांनी दिलेल्या माहितीनुसार, तक्रारदार तरूण मुंढव्यातील केशवनगरात राहायला असून, एप्रिल २०२५ मध्ये त्यांनी इस्टाग्रामवर त्यांच्या फ्लॅटचे इंटेरिअर करण्यासाठी माहिती पोस्ट केली होती. त्यानंतर सायबर चोरट्यांनी त्यांना संपर्क करीत आर्कषक ऑफर असल्याचे सांगितले. त्यानंतर सायबर चोरट्यांनी तरूणाला गुंतवणूक करण्यास भाग पाडले. जवळपास ८ लाख १० हजार रूपये ऑनलाईनरित्या वर्ग केली. त्यानंतरही त्यांच्या घराचे इंटेरिअर काम करण्यात आले नाही. फसवणूक झाल्याचे लक्षात आल्यानंतर संबंधिताने पोलीस ठाण्यात धाव घेतली. याप्रकरणी वरिष्ठ पोलीस निरीक्षक स्मिता वासनिक तपास करीत आहेत.
