२० लाखांचे दागिने जप्त
marathinews24.com
पुणे – शहरातील विविध भागातील महिलांच्या गळ्यातील मंगळसूत्र हिसकावणार्या टोळीला गुन्हे शाखेच्या युनीट सहाने अटक केली आहे. त्यांच्याकडून २०लाखांचे १६७ ग्रॅम सोन्याचे दागिने जप्त केले आहेत. सुभाष चंद्रकांत जाधव (वय ३९ रा. शिरापुर धुमाळ, ता. शिरुर जि. बीड) आणि लहु संतराम गायकवाड (वय ३० रा. रायमोह ता. शिरुर जि. बीड) अशी अटक केलेल्यांची नावे आहेत.
हृदय शस्त्रक्रियेत निष्काळजीपणा; डाॅक्टरविरुद्ध गुन्हा – सविस्तर बातमी
कोरेगाव भिमा येथे जयस्तंभास अभिवादनासाठी जाणार्या अनुयायींच्या सुरक्षिततेसाठी गुन्हे शाखेच्या युनीट सहाकडून पेट्रोलिंग करण्यात येत होते. त्यानुसार १८ डिसेंबरला एपीआय मदन कांबळे यांना मंगळसूत्र चोरणार्या टोळक्याची माहिती मिळाली. पथकाने दोघांना ताब्यात घेउन १६७ ग्रॅम सोन्याचे दागिने जप्त केले आहेत. चोरट्यांनी वाघोली, लोणीकंद, लोणी काळभोर, हडपसर, स्वारगेट परिसरातून महिलांचे दागिने हिसकावल्याचे उघडकीस आले आहे. ही कामगिरी अपर पोलीस आयुक्त पंकज देशमुख, एसीपी राजेंद्र मुळीक यांच्या मार्गदर्शनाखाली पोलीस निरीक्षक वाहीद पठाण, एपीआय मदन कांबळे यांच्या पथकाने केली.
