११ लाख ११ हजारांचा मुद्देमाल जप्त
marathinews24.com
पुणे – शहरातील विविध भागात घरफोडी करणार्या आंतरराज्या टोळीला गुन्हे शाखेच्या दरोड व वाहनचोरी विरोधी पथक एकने अटक केले आहे. त्यांच्याकडून घरफोडीचे ८ आणि वाहनचोरी असे ९ गुन्हे उघडकीस आणले आहेत. तसेच रोकड, मोबाइल, दुचाकी , सोन्याचे दागिने असा ११ लाख ११ हजारांचा ऐवज जप्त केला आहे. धनंजय हरिष काळे (वय २१ रा. पिंपळे गुरव, पिंपरी) यश उर्फ गोट्या दत्ता देशमुख (वय १९ रा. भारतनगर, पिंपरी) यांना अटक केले आहे. त्यांच्या अल्पवयीन साथीदाराला ताब्यात घेण्यात आले आहे. तसेच चोरीचा ऐवज स्वीकारणार्या मोहन नागनाथ नवले (वय ३९, रा. पिंपरी) यालाही ताब्यात घेतल आहे.
मैत्रिणीशी झालेल्या वादातून आई, चुलतभावावर हल्ला – सविस्तर बातमी
कोथरूडमधील घरफोडीच्या अनुषंगाने दरोडा व वाहनचोरी विरोधी पथक तपास करीत होते. त्यावेळी पोलीस अमलदार साई कारके व महेश पाटील यांना गुन्ह्यातील आरोपी खडकीत असून ते गोव्याला जाणार असल्याची माहिती मिळाली. त्यानुसार पथकाने सापळा रचून धनंजय काळे, यश देशमुख यांना ताब्यात घेतले. चौकशीत त्यांनी कोथरूडमध्ये दोन, बिबवेवाडी, सहकारनगर, दिघीमध्ये प्रत्येकी एका, संजयनगर (सांगली) तीन, वापी गुजरात एक असे गुन्हे केल्याचे उघडकीस आले. ही कामगिरी उपायुक्त गौहर हसर, एसीपी शंकर खटके, पोलीस निरीक्षक मारूती खेडकर, एपीआय नाथा भुजबळ, उपनिरीक्षक जालिंदर फडतरे, साधना पवार, अमित गद्रे, बाळू गायकवाड, नारायण बनकर यांनी केली.
