गुन्‍हे शाखेच्‍या युनिट पाचची कारवाई
marathinews24.com
पुणे – बेकायदेशिररित्‍या गांजा विक्री करत असलेल्‍या एकाला गुन्‍हे शाखेच्‍या युनिट पाचने मांजरी येथील लक्ष्मी कॉलनी समोरील रोडवरून ताब्यात घेतले. त्‍याच्‍याकडे केलेल्या चौकशीत 1 किलो 820 ग्रॅम गांजा जप्‍त करण्यात आला. त्‍याची अधिक चौकशी करण्यात आली असता त्‍याच्‍याकडे गावठी बनावटीचे पिस्‍तुल जप्‍त करण्यात आले आहे. संतोष शंकर गुंजाळ (29, रा. गंगानगर, फुरसुंगी मुळ रा. केशव गार्डन सोसायटी जवळ, माळवाडी, हडपसर) असे अटक करण्यात आलेल्‍याचे नाव आहे. पोलिस अमंलदार अमित कांबळे यांनी मांजरी पोलिस ठाण्यात तक्रार दिली आहे.
एटीएममधून पैसे काढणाऱ्या ज्येष्ठाची फसवणूक – सविस्तर बातमी
गुन्‍हे शाखेच्‍या युनिट पाचचे कर्मचारी दि. 23 फेब्रुवारीला सायंकाळच्‍या सुमारास हद्दीत पेट्रोलिंग करत होते. त्यावेळी पथकातील एकाला मांजरी येथील एंजल स्‍कुलच्‍या मागे कोणीतरी गांजा विकत असल्‍याची माहिती मिळाली. मिळालेल्‍या माहितीच्‍या आधारे गांजा विक्रेत्‍याला ताब्यात घेतले असता त्‍याच्‍याकडून 35 हजारांचा सुमारे दोन किलो गांजा जप्‍त केला. संतोष गुंजाळ याने त्‍याच्‍याजवळी पिस्‍तुलही पोलिसांना काढून दिले. पुढील तपास मांजरी पोलिस करत आहे.
पिस्‍तुल बाळगणाऱ्या अटक
बेकायदेशिररित्‍या पिस्‍तुल बाळगणाऱ्या एकाला चतुःश्रृंगी पोलिसांनी अटक केली. त्‍याच्‍याकडून 20 हजार रूपये किंमतीचे गावठी बनावटीचे पिस्‍तुल आणि एक जिवंत काडतुस जप्‍त करण्यात आले. राज किशोर दावणे (23, रा. दांडेकर पुल, सिंहगडरोड, पुणे) असे अटक करण्यात आलेल्‍याचे नाव आहे. त्‍याला औध बाणेर रोडवरील व्‍हाईट हाऊस हॉटेलच्‍या भिंती जवळून ताब्यात घेण्यात आले. त्‍याची तपासणी केली असता त्‍याच्‍याकडे हे गावठी बनावटीचे पिस्‍तुल सापडले. दि. 24 फेब्रुवारी रोजी सायंकाळी सात वाजण्याच्‍या सुमारास ही कारवाई करण्यात आली. याबाबत पोलिस अमंलदार वाघेश कांबळे यांनी चतुःश्रृंगी पोलिस ठाण्यात फिर्याद दिली आहे.
