एटीएममधून पैसे काढणाऱ्या ज्येष्ठाची फसवणूक

चोरट्याविरुद्ध गुन्हा दाखल

marathinews24.com

पुणे – एटीएममधून पैसे काढणाऱ्या ज्येष्ठ नागरिकाकडे मदतीचा बहाणा करुन चोरट्याने ८० हजार रुपयांची फसवणूक केल्याचा प्रकार उघडकीस आला. याप्रकरणी बाणेर पोलिसांनी चोरट्याविरुद्ध गुन्हा दाखल केला आहे. याबाबत ज्येष्ठ नागरिकाने बाणेर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्याविरुद्ध गुन्हा दाखल केला आहे.

गुंतवणूकीच्या आमिषाने १५ लाखांचा गंडा – सविस्तर बातमी 

पोलिसांनी दिलेल्या माहितीनुसार, तक्रारदार ज्येष्ठ नागरिक हे पाषाण-सूस रस्त्यावरील एका सोसायटीत राहायला आहेत. गेल्या महिन्यात ते एटीएममधून पैसे काढण्यासाठी गेले होते. त्या वेळी एटीएमच्या आवारात चोरटा थांबला होता. ज्येष्ठ नागरिक पैसे काढण्यासाठी एटीएममध्ये गेले. त्यांच्या पाठाेपाठ चोरटा एटीएममध्ये गेला. ज्येष्ठ नागरिकाला मदत करण्याचा बहाणा केला. चोरट्याने त्याच्याकडील एटीएम कार्डचा वापर पैसे काढण्यासाठी केला. हातचलाखी करुन ज्येष्ठाकडील एटीएम कार्ड चोरट्याने स्वत:कडे ठेवले. एटीएममध्यचे तांत्रिक बिघाड झाल्याची बतावणी करुन चोरट्याने त्याच्याकडील एटीएम कार्ड ज्येष्ठ नागरिकाला दिले. एटीएम कार्ड, सांकेतिक शब्दाचा वापर करुन त्याने बँक खात्यातून ८० हजार रुपये चोरले. सहायक पोलीस निरीक्षक सानप तपास करत आहेत.