नर्हेतील भूमकर चौकाजवळ घटना
marathinews24.com
पुणे – रस्त्याने पायी चाललेल्या महिलेचा पाठलाग करून दुचाकीस्वार चोरट्यांनी महिलेच्या गळ्यातील ६५ हजारांचे मंगळसूत्र हिसकावून नेले. ही घटना १० नोव्हेंबरला रात्री सव्वा नउच्या सुमारास नर्हेतील भूमकर चौकाजवळ घडली आहे. याप्रकरणी बारामतीत राहणार्या ४० वर्षीय महिलेने सिंहगड रस्ता पोलीस ठाण्यात फिर्याद दाखल केली आहे. त्यानुसार दुचाकीस्वार चोरट्यांविरूद्ध गुन्हा दाखल केला आहे.
ऑनलाईनरित्या हॉटेल बुकींग पडले सव्वा दोन लाखांना – सविस्तर बातमी
पोलिसांनी दिलेल्या माहितीनुसार, तक्रारदार महिला मूळची बारामतीतील असून, १० नोव्हेंबरला रात्री सव्वा नउच्या सुमारास भूमकर चौकातून पायी जात होती. त्यावेळी पाठीमागून दुचाकीवर आलेल्या दोघा चोरट्यांनी महिलेला हेरले. त्यांच्याजवळ दुचाकी नेउन महिलेच्या गळ्यातील ६५ हजारांचे मंगळसूत्र हिसकावून नेले. महिलेने आरडाओरड करेपर्यंत चोरटे सुसाट पसार झाले. याप्रकरणी सहायक पोलीस फौजदार संजय शिंदे तपास करीत आहेत.
