उप प्रादेशिक परिवहन अधिकारी
marathinews24.com
बारामती – उपप्रादेशिक परिवहन कार्यालयाच्या कार्यक्षेत्रात वाहनांकरिता पसंती क्रमांक मिळण्याबाबत जानेवारी २०२४ ते ऑक्टोबर २०२५ या कालावधीत एकूण १० हजार २६८ अर्ज स्विकारण्यात आले असून त्यातून ११ कोटी १ लाख इतका महसूल प्राप्त झाला आहे. नागरिकांचा वाढता प्रतिसाद, सेवा सुलभीकरण, पारदर्शकप्रक्रिया आणि विभागातील कार्यक्षम अंमलबजावणीमुळे वाढ झाली आहे.
पुणे जिल्हास्तरीय युवा महोत्सव संपन्न – सविस्तर बातमी
वाहनाकरिता पसंती क्रमांक जानेवारी ते ऑक्टोबर २०२४ या कालावधीत एकूण ४ हजार ९१९ अर्जाच्या माध्यमातून ४ कोटी १८ लाख तर जानेवारी ते ऑक्टोबर २०२५ या कालावधीत प्राप्त ५ हजार ३४९ अर्जाच्या माध्यामातून ६ कोटी ८३ लाख इतका महसूल प्राप्त झाला आहे.
मागील वर्षाच्या तुलनेत चालू वर्षात पसंती क्रमांकाच्या माध्यमातून प्राप्त महसुलात सुमारे ६३ टक्क्यांनी वाढ तसेच वाहन क्रमांक वाटपाच्या संख्येतही सुमारे ९ टक्क्यांची वाढ झाली आहे, असेही उप प्रादेशिक परिवहन अधिकारी सुरेंद्र निकम यांनी प्रसिद्धी पत्रकान्वये कळविले आहे.
