आरोपीला पोलिसांनी केली अटक
marathinews24.com
पुणे – आई-बहिणीला शिवीगाळ केल्याचा राग आल्यामुळे एकाने तरूणाच्या डोक्यात बांबूने मारहाण करून त्याचा खून केला आहे. ही घटना १४ फेबु्रवारीला दुपारी पावणेतीन वाजण्याच्या सुमारास येरवड्यातील लक्ष्मीनगरमध्ये घडली आहे. याप्रकरणी आरोपीला लक्ष्मीनगर पोलिसांनी अटक केली आहे. मशाक गाजीबक्श विजापुरे (वय ४३, रा. लक्ष्मीनगर,येरवडा ) असे खून झालेल्याचे नाव आहे. याप्रकरणी गणेश वसंत शिंदे (वय ३४, रा. लक्ष्मीनगर, येरवडा) याला पोलिसांनी अटक केली आहे.
भाजप, काँग्रेस कार्यकर्त्यांविरुद्ध गुन्हे दाखल – सविस्तर बातमी
पोलिसांनी दिलेल्या माहितीनुसार, मशाक आणि आरोपी गणेश लक्ष्मीनगर परिसरात राहायला होते. दोघेही एकमेकांच्या ओळखीतले होते. काही दिवसांपुर्वी मशाकने गणेशला आई-बहिणीवरून शिवीगाळ केली होती. त्याच रागातून गणेशने १४ फेबु्रवारीला मशाकला गाठले. त्याला बांबूने बेदम मारहाण करीत गंभीररित्या जखमी केले होते. त्यानंतर मशाकला रूग्णालयात दाखल करण्यात आले होते. उपचारादरम्यान त्याचा मृत्यू झाल्याचे डॉक्टरांनी घोषित केले. याप्रकरणी सहायक पोलीस निरीक्षक मिथुन सावंत तपास करीत आहेत.
