हडपसरजवळील घटना, आरोपी पसार
marathinews24.com
पुणे – मोटरीचा हाॅर्न वाजविल्याने झालेल्या वादातून एकाला बेदम मारहाण करण्यात आल्याची घटना हडपसर भागात घडली. याप्रकरणी हडपसर पोलिसांनी रिक्षा चालकासह साथीदारांविरुद्ध गुन्हा दाखल केला. रमेशचंद्र रतीपाल वर्मा (वय ५४, रा. पाताळगंगा औद्योगिक वसाहत, रसायनी, जि. रायगड) यांनी हडपसर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चौघांविरुद्ध गुन्हा दाखल केला आहे.
बनावट कागदपत्रे वापरून मालकाची ४२ लाखांची फसवणूक – सविस्तर बातमी
पोलिसांनी दिलेल्या माहितीनुसार, रमेशचंद्र वर्मा हे सोमवारी मध्यरात्री मोटारीतून पुणे-सोलापूर रस्त्याने निघाले होते. मांजरी बुद्रुक नजीक असलेल्या द्राक्ष संशोधन केंद्राजवळ त्यांनी एका रिक्षा चालकाला पाहून हाॅर्न वाजविला. या कारणावरून रिक्षा चालकासह साथीदारांनी वर्मा यांना अडवून शिवीगाळ केली. त्यांना काठीने, तसेच लाथाबुक्क्यांनी बेदम मारहाण केली, मारहाण करून आरोपी पसार झाले. पोलीस हवालदार टेंगले तपास करत आहेत.
