कोंढवा भागात नाव बदलून वास्तव्य
marathinews24.com
पुणे – खुनाचा प्रयत्न केल्या प्रकरणी दाखल गुन्ह्यात गेले दीड वर्ष पसार असलेल्या सराइताला पोलिसांनी अटक केली. कोंढवा भागात ही कारवाई करण्यात आली. आझिम उर्फ पल्ला सलीम शेख (वय २४, रा. लोहियानगर) असे अटक करण्यात आलेल्याचे नाव आहे. शेख याने एकावर तीक्ष्ण शस्त्राने वार करुन त्याचा खून करण्याचा प्रयत्न केल्याची घटना घडली होती. याप्रकरणी खडक पोलीस ठाण्यात गुन्हा दाखल करण्यात आला होता.
मनी लाँड्रिंगमध्ये दाखवली अटकेची भीती – सविस्तर बातमी
गुन्हा दाखल केल्यानंतर शेख पसार झाला होता. गेले दीड वर्ष तो पोलिसांना गुंगारा देत होता. शेख हा कोंढवा भागात नाव बदलून वास्तव्य करत होता. याबाबतची माहिती खडक पोलीस ठाण्याच्या तपासत पथकातील पोलीस कर्मचारी आशिष चव्हाण आणि इरफान नदाफ यांना मिळाली. त्यानंतर पोलिसांच्या पथकाने सापळा लावून त्याला अटक केली.
पोलीस उपायुक्त ऋषीकेश रावले, सहायक आयुक्त साईनाथ ठोंबरे यांच्या मार्गदर्शनाखाली वरिष्ठ पोलीस निरीक्षक शशिकांत चव्हाण, गुन्हे शाखेच्या पोलीस निरीक्षक शर्मिला सुतार, पोलीस निरीक्षक मनोजकुमार लोंढे, उपनिरीक्षक महेंद्र कांबळे, आशिष चव्हाण, इरफान नदाफ यांनी ही कामगिरी केली.
