नांदेड सिटी पोलीस ठाण्यात गुन्हा दाखल
marathinews24.com
पुणे – वादातून अल्पवयीनांकडून एकावर तीक्ष्ण शस्त्राने वार करण्यात आल्याची घटना सिंहगड रस्त्यावरील धायरी भागात घडली. या प्रकरणी चार अल्पवयीनांना ताब्यात घेण्यात आले.याबाबत राजू विनोद शहा (वय १८, रा. पोकळे क्रिस्टल बिल्डिंग, भैरवनाथ मंदिराजवळ, धायरी) याने नांदेड सिटी पोलीस ठाण्यात फिर्याद दिली आहे.
बीडमध्ये ३३ किलो गांजा पकडला; एकजण ताब्यात – सविस्तर बातमी
पोलिसांनी दिलेल्या माहितीनुसार, शहा याच्या भावाशी अल्पवयीनांशी वाद झाला होता. २३ जानेवारी सायंकाळी सहाच्या सुमारास शहा याचा भाऊ धायरीतील भैरवनाथ मंदिराजवळ थांबला होता. त्या वेळी अल्पवयीनांनी शहा याच्या भावावर तीक्ष्ण शस्त्राने वार केले. या घटनेत शहा याचा भाऊ गंभीर जखमी झाला. पसार झालेल्या चौघा अल्पवयीनांना पोलिसांनी ताब्यात घेतले. दुखापत केल्याप्रकरणी त्यांच्याविरुद्ध गुन्हा दाखल करण्यात आला आहे. पोलीस उपनिरीक्षक सावंत तपास करत आहेत.
