आरोपी विरोधात बलात्काराचा तर दुसऱ्याविरोधात अपहरणाचा गुन्हा दाखल
marathinews24.com
बीड (अनंत जाधव) – बीड ग्रामीण पोलीस ठाण्यामध्ये दोन अल्पवयीन मुलींना पळवून नेल्याच्या तक्रारी काही दिवसापूर्वी दाखल झाल्या होत्या. पोलीसांनी आरोपीचे मोबाईलचे लोकेशन तपासून दोन्ही प्रकरणाचा छडा लावला आहे. अल्पवयीन मुलीसह त्यांना पळवून नेणाऱ्या दोघा जणांना ताब्यात घेतले आहे. एक मुलगी १४ वर्षाची तर दुसरी १७ वर्षाची आहे. प्रकरणात पोक्सो अंतर्गत गुन्हा दाखल केला. तर दुसऱ्या प्रकरणात अपहरणासह इतर गुन्हे दाखल करण्यात आले.
आनंदनगरात घरफोडी, २१ लाखांचे दागिने चोरीला – सविस्तर बातमी
मुलींची वैद्यकीय तपासणी करण्यात येणार आहे. बीड ग्रामीण पोलीस ठाण्यामध्ये २७ एप्रिल २०२५ रोजी १४ वर्षीय मुलीस पळवून नेल्याची तक्रार दाखल करण्यात आली होती. याप्रकरणाचा तपास सुरू होता. पोलीसांनी सबंधीतांच्या मोबाईलचे लोकेशन तपासून प्रकरणाचा छडा लावला. मुलीसह आरोपीला ताब्यात घेण्यात आले. याप्रकरणी आरोपी विरोधात कलम ४, ८, १२ पोक्सो २०१२ अंतर्गत गुन्हा दाखल करण्यात आला.
दुसऱ्या एका प्रकरणात ३ मे २०२५ रोजी ग्रामीण पोलीसात तक्रार करण्यात आली होती. १७ वर्षीय मुलीस पळवून नेल्याचे नोंद झाली होती. याप्रकरणी पोलीसांनी छडा लावला. दोघांना ताब्यात घेतले. संबधीत आरोपी विरोधात कलम १३७ (२) बीएनएस २०२३ अन्वये गुन्हा दाखल करण्यात आला. मुलींची वैद्यकीय तपसणी करण्यासाठी सबंधीत विभागाकडे सुर्पूद करण्यात आले आहे. दोन्ही प्रकरणाचा तपास सहाय्यक पोलीस निरीक्षक बळीराम दराडे, मुंडे, युवराज चव्हाण, बळीराम राठोड, संतोष जायभाये यांनी केला आहे
