शिवाजीनगर पोलीस ठाण्यात अकस्मात मृत्यूची नोंद
marathinews24.com
पुणे – पोलीस कर्मचाऱ्याने राहत्या घरात गळफास घेऊन आत्महत्या केल्याची घटना शिवाजीनगर पोलीस वसाहतीत घडली. आत्महत्येमागचे कारण समजू शकले नाही. सचिन हरिश्चंद्र सुर्वे (वय ४६) असे आत्महत्या केलेल्या पोलीस कर्मचाऱ्याचे नाव आहे. याप्रकरणी शिवाजीनगर पोलीस ठाण्यात अकस्मात मृत्यू अशी नोंद करण्यात आली आहे.
सराईत शिवम आंदेकरविरुद्ध खंडणीचा गुन्हा – सविस्तर बातमी
पोलिसांनी दिलेल्या माहितीनुसार, सुर्वे खडक पोलीस ठाण्यात नियुक्तीस होते. ते वसाहतीतील शिवनेरी बिल्डींगमध्ये राहत होते. त्यांची पत्नी आणि मुलगा माहेरी गेले होते. शुक्रवारी दुपारी सुर्वे यांनी राहत्या घरात गळफास घेऊन आत्महत्या केली. या घटनेची माहिती मिळाल्यानंतर शिवाजीनगर पोलिसांनी घटनास्थळी धाव घेतली. पोलिसांनी पाहणी केली. सुर्वे यांच्या आत्महत्येमागचे कारण समजू शकले नाही. याप्रकरणी शिवाजीनगर पोलीस ठाण्यात अकस्मात मृत्यू अशी नोंद करण्यात आली आहे.
