पोलिसंचा छापा; महिला अटकेत
marathinews24.com
पुणे – शहरातील बिबवेवाडीत मसाज पार्लरच्या नावाखाली सुरू असलेल्या देहविक्रयाचा प्रकार पोलिसांनी उघडकीस आणला. गुन्हे शाखेच्या अनैतिक मानवी वाहतूक आणि व्यापार प्रतिबंध विभागाने ही कारवाई केली. या कारवाईत दोन तरुणींना ताब्यात घेण्यात आले. तरुणींना देहविक्रयास प्रवृत्त करणाऱ्या एका महिलेला अटक करण्यात आली.
गांजा विक्री करणारे रिक्षाचालक गजाआड – सविस्तर बातमी
याप्रकरणी किरण भरतराज अवदुते (वय ३०, रा. अप्पर इंदिरानगर, बिबवेवाडी) हिला अटक करण्यात आली. तिच्याविरुद्ध बिबवेवाडी पोलीस ठाण्यात गुन्हा दाखल करण्यात आला. बिबवेवाडीत विश्व आयुर्वेद उपचार केंद्रात मसाजच्या नावाखाली देहविक्रय सुरू असल्याची माहिती गुन्हे शाखेच्या पथकाला मिळाली. पोलिसांनी बनावट ग्राहक पाठवून खातरजमा केली. त्यानंतर पोलिसांनी तेथे छापा टाकला. या कारवाईत दोन तरुणींना ताब्यात घेण्यात आले. पोलीस उपायुक्त विवेक मासाळ, सहायक आयुक्त विजय कुंभार यांच्या मार्गदर्शनाखाली पोीलीस निरीक्षक छगन कापसे, उपनिरीक्षक विशांत चव्हाण, ईश्वर आंधळे, तुषार भिवरकर, बबनराव केदार, अमोल रसाळ, कोंडे, इंगळे यांनी ही कारवाई केली.
