१८ जणांविरुद्ध गुन्हा दाखल
marathinews24.com
पुणे – Pune Crime News : शहरातील सहकारनगर भागातील मल्हार मार्तंड सोसायटीत टोळक्याने दहशत माजवून चार मोटारींची तोडफोड केल्याची घटना घडली. याप्रकरणी पोलिसांनी १८ जणांविरुद्ध गुन्हा दाखल केला. याबाबत निलेश उमेश मोहिते (वय ३८, रा. मल्हार मार्तंड सोसायटी, सहकारनगर क्रमांक एक, पद्मावती ) यांनी सहकारनगर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार टोळक्याविरुद्ध गुन्हा दाखल करण्यात आला आहे.
पुण्यात वेगवेगळ्या अपघातांत ज्येष्ठ नागरिकांसह तिघांचा मृत्यू – सविस्तर बातमी
पोलिसांनी दिलेल्या माहितीनुसार, मल्हार मार्तंड सोसायटीच्या आवराात सोमवारी (१३ जुलै) मध्यरात्री एकच्या सुमारास वेगवेगळ्या दुचाकीवरुन टाेळके आले. त्यांनी सोसायटीतील रहिवाशांना शिवीगाळ केली. आरडाओरडा करुन चोरट्यांनी शस्त्रे उगारली. सोसायटीच्या आवारात लावलेल्या चार मोटारींच्या काचा फोडून दहशत माजविली. टोळके दुचाकीवरुन पसार झाले. घटनेची माहिती मिळताच सहायक पोलीस आयुक्त गजानन पवार, वरिष्ठ पोलीस निरीक्षक विठ्ठल पवार यांनी घटनास्थळी धाव घेतली. पोलिसांनी सोसायटीच्या आवारातील सीसीटीव्ही चित्रीकरण तपासले असून, पसार झालेल्या आरोपींचा शोध घेण्यात येत आहे. सहायक पोलीस निरीक्षक श्रीकांत संघर्षी तपास करत आहेत.
टोळक्याकडून दाम्पत्याला मारहाण
टोळक्याने दाम्पत्याला मारहाण केल्याची घटना वारजे भागातील रामनगर परिसरात घडली.याप्रकरणी प्रथमेश जाधव, यश जाधव यांच्यासह आठ जणांविरुद्ध गुन्हा दाखल करण्यात आला आहे. याबाबत कुमार नागनाथ जाधव (वय ४१, रा. वर्धमान टाऊनशिप, ससाणेनगर, हडपसर) यांनी वारजे माळवाडी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, जाधव यांची बहीण आणि मेहुणे हे वाढदिवस साजरा करुन रामनगरमधील वेताळबाबा चौकातून निघाले होते. त्या वेळी टोळक्याने दुचाकी अडवली. जाधव यांची बहीण आणि मेहुण्याला शिवीगाळ करुन मारहाण केली. त्यानंतर आरोपी तेथून पसार झाले. पोलीस उपनिरीक्षक हंस तपास करत आहेत.
