शेअरमध्ये गुंतवणूकीच्या नावाखाली

फरासखाना पोलीस ठाण्यात गुन्हा दाखल 

marathinews24.com

पुणे – शेअर ट्रेडींग करण्यास भाग पाडून सायबर चोरट्याने एकाला तब्बल ४ लाख ५७ हजार रुपयांची गुंतवणूक करण्यास सांगून गंडा घातला आहे. ही घटना २० जून ते १ ऑगस्ट २०२५ कालावधीत कसबा पेठेत घडली आहे. याप्रकरणी ५३ वर्षीय व्यक्तीने फरासखाना पोलीस ठाण्यात फिर्याद दाखल केली आहे. त्यानुसार मोबाइलधारक, लिंकधारकाविरुद्ध गुन्हा दाखल झाला आहे.

टेम्पोच्या धडकेत दुचाकीस्वार तरुणाचा मृत्यू – सविस्तर बातमी 

पोलिसांनी दिलेल्या माहितीनुसार, तक्रारदार हे कसबा पेठेत राहायला असून, २० जून २०२५ रोजी सायबर चोरट्याने त्यांना संपर्क साधला होता. आयआयएफएल या ब्रोकर मार्फत शेअर ट्रेडींग करण्यास सांगितले होते. अ‍ॅप डाउनलोड करण्यास सांगून अकाउंट उघडण्यासही भाग पाडले.त्यानंतर सायबर चोरट्याने तक्रारदाराचा विश्वास संपादित करुन ४ लाख ५७ हजारांची गुंतवणूक करुन घेतली. त्यांची फसवणूक झाल्याचे लक्षात आल्यानंतर तक्रारदाराने नुकतीच फरासखाना पोलीस ठाण्यात तक्रार दाखल केली. याप्रकरणी पोलीस निरीक्षक राजेश महाला तपास करीत आहेत.

एटीएम कार्डच्या अदलाबदलीने ३० हजार काढले

बँक खात्यातील शिल्लक रक्कम तपासून देण्याची बतावणी करीत एकाने एटीएम सेंटरमध्ये तक्रारदाराकडील एटीएमकार्ड ताब्यात घेतले. हातचलाखीने स्वतःकडील बंद कार्ड तक्रारदाराला परत दिले. त्यानंतर आरोपीने तक्रारदाराच्या एटीएम कार्डचा वापर करुन बँकखात्यातून ३० हजार रुपये काढून फसवणूक केली आहे. ही घटना २३ ऑगस्टला चंदननगर परिसरातील बीडी कामगार वसाहत जवळ घडली आहे. याप्रकरणी चंदनगर पोलीस ठाण्यात गुन्हा दाखल करण्यात आला आहे. पोलीस अमलदार भालचिम तपास करीत आहेत.