७५ लाख ८० हजारांचा मुद्देमाल जप्त
marathinews24.com
पुणे – शहरातील कोंढवा परिसरातील पिसोळी येथील फार्महाऊसवर छापा टाकून काळेपडळ पोलिसांनी बेकायदा हुक्का विक्री व सेवनाचा पर्दाफाश केला आहे. पोलिसांनी ७५ लाख ८० हजार ७३९ रुपयांचा मुद्देमाल जप्त केला. याप्रकरणी अनिस सय्यद व त्याचा साथीदार साद सय्यद यांच्यासह संबंधितांवर गुन्हा दाखल करण्यात आला आहे.
कोथरूडमध्ये तरुणावर शस्त्राने वार; तिघांविरुद्ध गुन्हा – सविस्तर बातमी
अवैध धंदे, तडीपार आरोपी व गुन्हेगारांवर कारवाई करण्याच्या सूचना पोलिस आयुक्त अमितेश कुमार यांनी दिल्या आहेत. सूचनांनुसार काळेपडळ पोलिस ठाण्याचे पथक गस्त घालत होते. त्यावेळी पोलिस अंमलदार महादेव शिंदे आणि अतुल पंधरकर यांना गोपनीय माहिती मिळाली की, पिसोळी येथील आंबिका हॉटेल रोड, जगदंबा मार्ग परिसरातील फार्महाऊसमध्ये अनिस सय्यद व साद सय्यद हे बेकायदा हुक्का विक्री करत आहेत. माहितीची खातरजमा करून पोलिसांनी छापा टाकला.
त्यावेळी तेथे ८ ते १० जण हुक्क्याचे सेवन करताना आढळले. कारवाईदरम्यान पोलिसांनी तीन चारचाकी, दोन दुचाकी, १२ मोबाईल, ८ हुक्का पॉट, तंबाखूजन्य हुक्का फ्लेवर व इतर साहित्य असा एकूण ७५ लाख ८० हजार ७३९ रुपयांचा मुद्देमाल जप्त केला. याप्रकरणी काळेपडळ पोलिस ठाण्यात गुन्हा गुन्हा दाखल केला. सहायक पोलिस निरीक्षक अमित शेटे पुढील तपास करत आहेत. ही कारवाई उपायुक्त जीवन बेनिवाल, सहायक पोलीस आयुक्त अतुलकुमार नवगिरे, वरिष्ठ पोलीस निरीक्षक गिरीषा निंबाळकर यांच्या मार्गदर्शनाखाली पोलीस निरीक्षक (गुन्हे) अण्णासो बाबर यांच्या सूचनेनुसार सहायक पोलिस निरीक्षक अमित शेटे, उपनिरीक्षक रघुवीर खोडा तसेच पोलिस अंमलदार प्रवीण काळभोर, दाऊद सय्यद, प्रतीक लाहीगुडे, शाहिद शेख, निलेश देसाई, अमोल फडतरे, अतुल पंधरकर, विशाल ठोंबरे, लक्ष्मण काळे, नितीन ढोले, सद्दाम तांबोळी, प्रदीप बेडीसकर, महादेव शिंदे, गिरीराज जगदाळे, नंदकुमार जावळे, ज्ञानेश्वर कुलाळ, अक्षय जगताप, शुभम पवार आणि मेघराज जाधव यांच्या पथकाने केली.
