पुणे जिल्ह्यातील भरतगावातील घटना, चौघांना बेड्या
marathinews24.com
पुणे – नात्याला काळिमा फासणारी घटना पुणे जिल्ह्यातील भरतगावात घडली आहे. पत्नीला धमकावून जीवे मारण्याची धमकी देऊन पतीनेच तीन मित्रांना बायकोवर बलात्कार करण्यास भाग पाडल्याची धक्कादायक घटना दौंड तालुक्यातील भरतगावात घडली आहे.
अपघातांना जबाबदार असलेली अवजड वाहने जप्त करणार- पोलीस आयुक्तांचा इशारा – सविस्तर बातमी
मागील दोन वर्षांपासून आरोपींनी पीडित महिलेवर अत्याचार केले असून, पीडितेला सर्व असह्य झाल्यानंतर तिने यवत पोलीस ठाण्यात धाव घेत तक्रार दाखल केली. त्यानुसार पती आणि त्याच्या तीन मित्रांविरोधात बलात्काराचा गुन्हा दाखल करण्यात आला आहे. याप्रकरणी यवत पोलिसांनी चारही आरोपींना अटक केल्याची माहिती यवत पोलीस ठाण्याचे पोलीस निरीक्षक नारायण देशमुख यांनी दिली आहे.
पोलिसांनी दिलेल्या माहितीनुसार, तक्रारदार महिला आणि तिचा पती भरतगावात राहायला असून, २०२३ पासून पतीने आपल्या पत्नीला धमकावून जीवे ठार मारण्याची धमकी दिली. त्यानंतर ३ मित्रांकडून जबरदस्तीने शारीरिक संबंध ठेवण्यास भाग पाडले. धमकीच्या भीतीने तक्रारदार महिला सलग दोन वर्षांपासून गप्प बसली होती. मात्र, महिलेस शारीरिक व मानसिक त्रास सहन न झाल्याने तिने यवत पोलीस ठाण्यात धाव घेत आपबीती पोलिसांना सांगितली.
त्यानुसार यवत पोलिसांनी महिलेच्या पतीविरुद्ध गुन्हा दाखल केला. त्यानंतर त्याच्या तीन मित्रांविरुद्ध बलात्काराचा गुन्हा दाखल करीत चारही आरोपींना अटक केली आहे. पोलीस निरीक्षक नारायण देशमुख यांच्या मार्गदर्शनाखाली सहायक पोलीस निरीक्षक महेश माने करीत आहेत.
