चतु:शृंगी पोलीस ठाण्यात गुण दाखल
marathinews24.com
पुणे – मंदिराचा दरवाजा उचकटून चोरट्यांनी दानपेटीतील ४० हजारांची रोकड चोरून नेल्याची घटना पाषाण गावात घडली. याप्रकरणी चोरट्यांविरुद्ध गुन्हा दाखल करण्यात आला आहे. विष्णू बबनराव निम्हण (वय ४७, रा. निम्हण आळी, पाषाण गाव) यांनी चतु:शृंगी पोलीस ठाण्यात फिर्याद दिली आहे.
मटका चालकास जिल्हाधिकारी आणि एसपींचा दणका – सविस्तर बातमी
पोलिसांनी दिलेल्या माहितीनुसार, पाषाण गावातील निम्हण आळी परिसरात श्री विठ्ठल रखुमाई मंदिर आणि श्री गणेश मंदिर आहे. चोरट्यांनी गुरुवारी (२२ जानेवारी) मध्यरात्री मंदिराचा दरवाजा उचकटून आत प्रवेश केला. मंदिरातील दानपेटीचे कुलूप तोडून चोरट्यांनी ४० हजारांची रोकड लांबविली. शुक्रवारी सकाळी मंदिरात चोरी झाल्याचा प्रकार उघडकीस आला. त्यानंतर पोलिसांकडे तक्रार देण्यात आली. पोलीस हवालदार बाबासाहेब दांगडे तपास करत आहेत.
