आत्महत्येचे कारण अद्याप अस्पष्ट; चर्चेला उधाण
marathinews24.com
बीड : (अनंत जाधव) – केज तालुक्यातील तांबवा येथील नववीच्या वर्गात शिक्षण घेणाऱ्या १५ वर्षीय शाळकरी मुलीने राहत्या घरी आत्महत्या केल्याची घटना दिनांक २८ डिसेंबरला संध्याकाळी पाच वाजण्याच्या सुमारास घडली आहे. या घटनेने परिसरात खळबळ उडाली असून नागरिक हळहळ व्यक्त करत आहेत.
शेळी-बोकड चोरी करणाऱ्या टोळीला अटक; ५ गुन्हे उघडकीस – सविस्तर बातमी
आत्महत्या केलेल्या अल्पवयीन मुलीचे नाव तनुजा गोविंद चाटे (वय १५, रा. तांबवा) असे आहे. ती नववीच्या वर्गात शिक्षण घेत होती. काही दिवसांपूर्वी गावातील काही टवाळखोरांनी तिची छेड काढली होती. त्यानंतर तिच्या घरच्यांनी केज पोलीस ठाण्यात गावातील आरोपींविरोधात गुन्हा दाखल केला होता. मात्र तिच्या आत्महत्येचे कारण अद्याप स्पष्ट झाले नाही. त्यामुळे परिसरात घटनेने चर्चेला उधाण आले आहे . टवाळखोरांच्या छेडछाडीच्या प्रकरणामुळे तर हे टोकाचे पाऊल उचलले नाही? असा सवाल गावातील नागरिकांनी उपस्थित केला आहे.
तनुजाच्या जाण्याने चाटे कुटुंबीयांवर दुःखाचा डोंगर कोसळला आहे. तिचे पार्थिव विच्छेदनासाठी केज येथील स्वामी रामानंद तीर्थ उपजिल्हा शासकीय रुग्णालय येथे नेण्यात आले आहे. तिच्या पार्थिवावर उशिरा अंत्यसंस्कार करण्यात येणार असल्याचे सांगितले आहे.
