लोणी काळभोर पोलीस ठाण्यात गुन्हा दाखल
marathinews24.com
पुणे – ज्येष्ठ नागरिकाला मारहाण करुन चोरट्यांनी लुटल्याची घटना लोणी काळभोर भागात घडली. या प्रकरणी चोरट्यांविरुद्ध गुन्हा दाखल करण्यात आला आहे.याबाबत एका ज्येष्ठ नागरिकाने लोणी काळभोर पोलीस ठाण्यात फिर्याद दिली आहे.
पुण्यात ज्येष्ठाची २२ कोटींची फसवणूक; सायबर चोरटे गजाआड – सविस्तर बातमी
पोलिसांनी दिलेल्या माहितीनुसार, ६३ वर्षीय ज्येष्ठ नागरिक हे दररोज सायंकाळी फिरयाला जातात. ८ फेब्रुवारी रोजी सायंकाळी साडेसातच्या सुमारास ते रिव्हर व्ह्यू सिटी परिसरातून निघाले होते. त्या वेळी दुचाकीवरुन चार चोरटे आले. त्यांनी ज्येष्ठ नागरिकाला अडवून शिवीगाळ करण्यास सुरुवात केली. चोरट्यांनी त्यांना धमकावून हातातील पाईप आणि दगडाने मारहाण केली. मारहाणीत ज्येष्ठ नागरिक जखमी झाले. त्यांच्याकडील मोबाइल हिसकावून चोरटे पसार झाले. घाबरलेल्या ज्येष्ठाने पोलिसांकडे तक्रार दिली.
