कॅम्पमधील एम जी रस्त्यावरील घटना
marathinews24.com
पुणे – बक्षीसपत्रावर खोट्या सह्या करून एकत्रित कुटूंबियाच्या मिळकतीमध्ये दुसर्यानेच ताबा मारला. त्यानंतर दुकानातील किंमती वस्तू गायब केल्याची घटना जानेवारी २०२२ ते जानेवारी २०२६ कालावधीत एम. जी. रोडवरील दुकानात घडली आहे. याप्रकरणी संबंधिताविरूद्ध लष्कर पोलीस ठाण्यात गुन्हा दाखल करण्यात आला आहे.
एसपी नवनीत कॅावत यांच्या कारवाईने सट्टेबाजांचे साम्राज्य उध्वस्त – सविस्तर बातमी
अशपाक अब्दुल रेहमान (रा. कोंढवा) सज्जाद लाडलेसाहब गाजेखान (रा. इस्ट स्ट्रीट कॅम्प) यांच्याविरूद्ध गुन्हा दाखल करण्यात आला आहे. रियाज ओमर (वय ७२, रा. सॅलिसबरी पार्क) यांनी लष्कर पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, आरोपींनी ओमर यांची आत्या पै नसीम आदम ओमर यांच्या एका बक्षीसपत्रावर खोट्या सह्या केल्या. त्यानंतर एकत्रितपणे असलेल्या कुटूंबियाच्या मिळकतीमध्ये त्रयस्त व्यक्तीचा शिरकाव केला. ओमर यांच्या ताब्यातील दुकानाचे (क्रमांक ११ व १२) कुलूप तोडून पुरातन वस्तू चोरून नेल्या. दुकानाचा ताबा स्वतःकडे ठेवला असून, इतर साहित्याची विल्हेवाट लावल्याचे तक्रारीत नमूद केले आहे. याप्रकरणी पोलीस उपनिरीक्षक जाधव तपास करीत आहेत.
