तरूण ठार, मित्र जखमी
marathinews24.com
पुणे – भरधाव वेगातील दुचाकीस्वाराने समारून आलेले वाहन पाहून ब्रेक दाबल्यानंतर दुचाकी घसरून झालेल्या अपघातात तरूण गंभीर जखमी झाला होता. उपचारादरम्यान त्याचा नुकताच मृत्यू झाला आहे. अपघातात त्याचा मित्र जखमी झाल्याची घटना १५ डिसेंबरला संध्याकाळी सव्वा चारच्या सुमारास लोहगाव-वाघोली रस्त्यावरील कलश फर्निचरसमोर घडली होती.
प्रवासात जेष्ठाकडील साडेतीन लाखांच्या ऐवजाची चोरी – सविस्तर बातमी
प्रदीपसिंह रामेश्वरसिंह सेंगर (वय ४५ रा. लोहगाव ) असे ठार झालेल्याचे नाव आहे. याप्रकरणी सिकंदर अछाबर चौहान (वय ३३ रा. लोहगाव ) याने लोहगाव पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, प्रदीपसिंह आणि त्याचा मित्र सिकंदर हे १५ डिसेंबरला दुचाकीवरून प्रवास करीत होते. लोहगाव-वाघोली रस्त्यावरील कलश फर्निचरसमोर दुचाकी चालक प्रदीपसिंहने अचानकपणे वाहन पाहिल्यानंतर गाडीचा बे्रक दाबला. त्यामुळे दुचाकी घसरून दोघेही खाली पडले. गंभीररित्या जखमी झालेल्या प्रदीपसिंहचा उपचारादरम्यान मृत्यू झाला आहे. याप्रकरणी सहायक पोलीस निरीक्षक धामणे तपास करीत आहेत.
