बिबवेवाडी पोलिसांनी केली अटक
marathinews24.com
पुणे – बिबवेवाडी भागात अल्पवयीनाला जीवे मारण्याची धमकी, तसेच दहशत माजविल्याप्रकरणी गुन्हा दाखल झाल्यानंतर गेले सहा महिने फरार असलेल्या आरोपीला बिबवेवाडी पोलिसांनी अटक केली. संदेश दिलीप सौदागर (वय २२, रा. मार्केट यार्ड) असे अटक करण्यात आलेल्याचे नाव आहे. १६ जून रोजी आरोपी सौदागर आणि त्याच्याबरोबर असलेल्या अल्पवयीन साथीदारांनी बिबवेवाडी भागात दहशत माजविली होती. आरोपींनी कोयते उगारून दहशत माजविली होती.सौदागर आणि त्याच्याबरोबर असलेल्या अल्पवयीन साथीदारांनी अल्पवयीनाला जीवे मारण्याची धमकी दिली होती. अल्पवयीनाच्या वडिलांनी बिबवेवाडी पोलीस ठाण्यात फिर्याद दिली होती.
कात्रज बाह्यवळण मार्गावरील लाॅजमध्ये वेश्याव्यवसाय – सविस्तर बातमी
गुन्हा दाखल झाल्यानंतर आरोपी सौदागर पसार झाला होता. गेले सहा महिने त्याचा ठावठिकाणा लागला नव्हता. सौदागर अप्पर इंदिरनगर परिसरातील पाण्याच्या टाकीजवळ थांबल्याची माहिती पोलिसांना मिळाली. त्यानंतरबिबवेवाडी पोलिसांच्या पथकाने सापळआ लावून त्याला अटक केली. वरिष्ठ पोलीस निरीक्षक अश्विनी सातपुते, गुन्हे शाखेचे पोलीस निरीक्षक सूरज बेंद्रे यांच्या मार्गदर्शनाखाली उपनिरीक्षक अमोल माने, पोलीस कर्मचारी गायकवाड, ज्योतिष काळे, आशिष गायकवाड, शिवाजी येवले, रक्षित काळेे, सुमीत ताकपेरे यांनी ही कारवाई केली.
