चोरट्यांविरुद्ध गुन्हा दाखल
marathinews24.com
पुणे – कोंढव्यातील नॅशनल इन्स्टिट्यूट ऑफ बँकिंग मॅनेजमेंट (एनआयबीएम) संस्थेच्या आवारात शिरलेल्या चाेरट्यांनी एक लाख १० हजार रुपयांचे साहित्य चोरून नेल्याची घटना घडली. याप्रकरणी चोरट्यांविरुद्ध गुन्हा दाखल करण्यात आला आहे. याबाबत बळीराम पवार (वय ३३, रा. एनआयबीएम कर्मचारी वसाहत, एनआयबीएम रस्ता, कोंढवा) यांनी कोंढवा पोलीस ठाण्यात फिर्याद दिली आहे.
खासगी विद्यापीठात चोरी प्रकरणी गुन्हा – सविस्तर बातमी
पोलिसांनी दिलेल्या माहितीनुसार, कोंढव्यातील एनआयबीएम रस्त्यावर नॅशनल इन्स्टिट्यूट ऑफ बँकिग मॅनेजमेंट ही संस्था आहे. बँकिंग प्रशिक्षणाविषयी या संस्थेचा नावलौकिक आहे. या संस्थेचे आवार प्रशस्त आहे. संस्थेच्या आवारात चोरटे शिरले. चोरट्यांनी संस्थेच्या आवारातील स्टोअर रुमचे कुलूप तोडले. चोरट्यांनी स्टोअर रुममधून एक लाख १९ हजार रुपयांचे साहित्य चोरून नेल्याची घटना घडली. या घटनेची माहिती मिळताच वरिष्ठ पोलीस निरीक्षक कुमार घाडगे यांनी घटनास्थळी भेट दिली. पोलिसांनी संस्थेच्या आवारातील सीसीटीव्ही चित्रीकरण तपासले असून, चोरट्यांचा शोध घेण्यात येत आहे. पोलीस उपनिरीक्षक झाडे तपास करत आहेत.
