लष्कर पोलीस ठाण्यात गुन्हा दाखल
marathinews24.com
पुणे – दुकानावरील टेरेसच्या एसींच्या ४५ हजार रूपये किंमतीच्या तांब्याच्या तारांची चोरी केल्याची घटना १८ ते २० डिसेंबर कालावधीत कॅम्पमधील एमजी रस्ता परिसरात घडली आहे. याप्रकरणी ५६ वर्षीय दुकानदाराने लष्कर पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूज गुन्हा दाखल करण्यात आला आहे.
रेल्वेत नोकरीच्या आमिषाने ७ लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदाराचे कॅम्पमधील एमजी रस्त्यावर दुकान असून, १८ ते २० डिसेंबर कालावधीत चोरट्यांनी त्यांच्या दुकानाच्या टेरेसवर प्रवेश मिळवला. त्यानंतर एसीच्या तांब्याच्या तारांची चोरी करून ४५ हजारांचा माल नेला. याप्रकरणाची माहिती झाल्यानंतर तक्रारदाराने पोलीस ठाण्यात धाव घेत फिर्याद दाखल केली आहे. पोलीस अमलदार अनिल उपरे तपास करीत आहेत.
कर्वेनगरात ३ लाखांचा प्रिंटरहेड चोरीला
पुणे- प्रिटींग दुकानाचे कुलूप तोडून चोरट्यांनी ३ लाख रूपये किंमतीचा प्रिंटरहेड चोरून नेला आहे. ही घटना २१ ते २२ डिसेंबर कालावधीत वनदेवी चौकातील नवीन शिवणे कोथरूड ड्रीम कॅचर फ्लेक्स प्रिटींग दुकानात घडली आहे. याप्रकरणी कर्वेनगरमध्ये राहणार्या तरूणाने अलंकार पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रादाराचे वनदेवी चौकातील नवीन शिवणे कोथरूड ड्रीम कॅचर फ्लेक्स प्रिटींग दुकान आहे. २१ ते २२ डिसेंबर कालवधीत त्यांचे दुकान बंद होते. त्यावेळी चोरट्यांनी दुकानाचे कुलूप तोडून आतमध्ये प्रवेश केला. तब्बल ३ लाखांचा प्रिटींगहेड चोरून नेला. याप्रकरणी पोलीस उपनिरीक्षक दीक्षित तपास करीत आहेत.
