वाहतूक सुरक्षित व सुरळीतपणे होण्याच्यादृष्टीने वाहतूक बदलाचे आदेश
marathinews24.com
पुणे – वाहतूक सुरक्षित व सुरळीतपणे होण्याच्यादृष्टीने पोलीस उप-आयुक्त हिंमत जाधव यांनी पुणे शहरातील विविध वाहतूक विभागांतर्गत वाहतूक बदलाचे आदेश जारी केले आहे. कोंढवा वाहतूक विभागांतर्गत मंतरवाडी चौकाकडून येऊन होले वस्तीकडे जाणाऱ्या वाहनांनी उंड्री चौकातुन सरळ पुढे ६५ मीटर जाऊन यु टर्न घेऊन इच्छित स्थळी जावे असे नमूद करण्यात आले आहे.
स्थानिकांना रोजगार देण्याबाबत प्रपत्र सादर करण्याचे उद्योगांना आवाहन – सविस्तर बातमी
वडाची वाडी गावाकडुन येऊन होले वस्ती कडे जाणाऱ्या वाहनांनी उंड्री चौकात डावीकडे वळण घेऊन पुढे ६५ मीटर जाऊन यु टर्न घेऊन इच्छित स्थळी जावे. एन.आय.बी.एम. व होले वस्ती चौकाकडून येऊन खडी मशीन चौकाकडे जाणाऱ्या वाहनांनी उंड्री चीकात डावीकडे वळून २५ मीटर पुढे जाऊन यु टर्न घेऊन इच्छित स्थळी जावे. खडी मशीन चौकाकडून येऊन वडाची वाडी गावाकडे जाणाऱ्या वाहनांनी उंड्री चौकातून सरळ पुढे २५ मीटर जाऊन यु टर्न घेऊन इच्छित स्थळी जावे.
येरवडा वाहतूक विभागांतर्गत शादलबाबा चौक येथे डॉ. बाबासाहेब आंबेडकर चौकाकडून येणाऱ्या वाहनांना उजवीकडे वळून चंद्रमा चौकाकडे जाण्यासाठी असलेला सिग्नल हा बंद करण्यात येत आहे. त्याऐवजी सदर वाहनांनी डॉ. बाबासाहेच आंबेडकर चौकातून आंळदी रोड जक्शन मार्गे इच्छित स्थळी जावे. तरी वाहन चालकांनी पर्यायी मार्गांचा वापर करुन सहकार्य करावे, असे आवाहन पोलीस उप आयुक्त जाधव यांनी कले आहे.
