मुंढवा पोलिसांची कामगिरी
marathinews24.com
पुणे – राज्यात बंदी असलेल्या नायलॉन मांजाची विक्री करणार्या दोघांना मुंढवा पोलिसांनी अटक केली आहे. त्यांच्याकडून १ लाख ९ हजारांचे मोनो फिलगोल्ड कंपनीच्या मांजाचे रिल जप्त केले आहेत. आयुष राहूल शिंदे (वय २० रा. हडपसर) आणि यशराज विजय दिवेकर (वय २० रा. हिंगणे मळा, हडपसर) अशी अटक केलेल्यांची नावे आहेत. हडपसर रेल्वे स्टेशन परिसरात दोघेजण बेकायदेशिररित्या नायलॉन मांजाची विक्री करण्यासाठी येणार असल्याची माहिती पोलीस अमलदार शिवाजी जाधव आणि योगेश राउत यांना मिळाली.
बारामती नगरपरिषद निवडणुकीत आचार संहिता भंग; गुन्हा दाखल – सविस्तर बातमी
पोलीस उपनिरीक्षक युवराज पोमण यांच्या मार्गदर्शनाखाली पथकाने घटनास्थळी धाव घेतली. त्याठिकाणी छापा टाकून आयुष, विजय यांना ताब्यात घेतले. त्यांच्याकडून १ लाख ९ हजारांचे मांजाचे रिल जप्त केले आहेत. ही कामगिरी पोलीस उपायुक्त डॉ. राजकुमार शिंदे, एसीपी अनुराधा उदमले, वरिष्ठ निरीक्षक स्मिता वासनिक, पोलीस निरीक्षक बाबासाहेब निकम, एपीआय राजू महानोर, उपनिरीक्षक युवराज पोमण, राहूल धोत्रे, शिवाजी धांडे, राहूल मोरे, योगेश गायकवाड, रूपेश तोडेकर, स्वप्नील रासकर यांनी केली.
