गुन्हे शाखेच्या अमली पदार्थ विरोध पथकाची कारवाई
marathinews24.com
पुणे – मेफेड्रोन विक्री करणाऱ्या दोघांना गुन्हे शाखेच्या अमली पदार्थ विरोध पथकाने पकडले. नगर रस्ता भागात ही कारवाई करण्यात आली. त्यांच्याकडून १२ लाख ५० हजारांचे रुपयांचे २७ ग्रॅम मेफेड्रोान जप्त करण्यात आले. मोतीसिंह श्रावणसिंह राजपुरोहित (वय २८, रा. धोका बिल्डिंग, लोहगाव रस्ता, वाघोली), हरीश सुजनाराम देवासी (वय २२, रा. बायएफ रस्ता, वाघोली ) अशी अटक करण्यात आलेल्यांची नावे आहेत.
लिफ्ट देण्याच्या बतावणीने लुटणारे गजाआड – सविस्तर बातमी
राजपुरोहित आणि देवासी मूळचे राजस्थानातील आहेत. खराडी भागात अमली पदार्थ विरोधी पथक गस्त घालत होते. त्या वेळी दोघे जण मेफेड्रोन विक्रीसाठी येणार असल्याची माहिती पाेलिसांना मिळाली. त्यानंतर पोलिसांच्या पथकाने सापळा लावून दोघांना पकडले. त्यांच्याकडून मेफेड्रोन जप्त करण्यात आले. दोघांनी मेफेड्रोन कोणाकडून आणले, तसेच ते कोणाला विकणार होते ?, यादृष्टीने तपास करण्यात येत आहेत.
पोलीस उपायुक्त निखील पििंगळे, सहायक आयुक्त शंकर खटके यांच्या मार्गदर्शनाखाली पोलीस निरीक्षक पंडीत रेजितवाड, सहायक निरीक्षक नितीनकुमार नाईक, उपनिरीक्षक अस्मिता लाड, पोलीस कर्मचारी संदीप जाधव, पृथ्वीराज पांडुळे, सुनील महाडिक, गणेश गोसावी, संदीप देवकाते, देवीदास वांढरे, शुभांगी म्हाळसेकर, दिनेश बास्टेवाड यांनी ही कारवाई केली.
